陳伶俐為大仔林肯慶祝22歲生日 現任丈夫視如己出 網友：好幸福

陳伶俐於2012年再婚，下嫁新加坡作風低調的富豪劉頌銘（Ben），成為濶太嘅伶俐，婚後兩年為劉家誕下一子劉駿浠（Marengo）。至於伶俐同前夫林敏驄所生嘅兩個仔仔林肯（Lincoln）和林善 (Yohji) 不經不覺長大成人。日前伶俐同老公Ben、二仔林善，為林肯慶祝22歲生日，在Facebook分享同壽星仔嘅溫馨合照同生日蛋糕相。富豪老公Ben是「愛屋及烏」最佳典範，與林肯、林善兩兄弟相處融洽冇隔膜，開明態度抵讚！

{{hket:inline-image name="40.jpg"}}{{/hket:inline-image}}

伶俐媽媽點解用呢個表情望住大仔林肯嘅？ (圖片：陳伶俐FB)

{{hket:inline-image name="59.jpg"}}{{/hket:inline-image}}

伶俐嫁入豪門做少奶奶，與老公Ben和囝囝Marengo生活美滿。(圖片：陳伶俐FB)

豪宅Home Tour│陳伶俐住6億獨立屋有私家𨋢 戶外無敵花園大到夠踢波 【下一頁】

22年前林肯係手抱BB，見到囝囝長大成人，伶俐感受良多：「22歲生下你的我，看著今天22歲的你，一切都如夢幻般過得很快....... 就讓這快樂、平安、健康繼續伴隨著你吧！Lincoln, Happy Birthday, Mama love u so much！#happy22 #iloveyou」至於大個仔嘅林肯，佢又粗又黑嘅「小新眉」，加埋一對朦珠眼，像極老竇林敏驄！其中一張相，當伶俐同阿仔捧住生日蛋糕時，相片，媽媽嘅肢體動作似想畀林肯一個birthday kiss，但他卻作避開狀，相當搞笑！而網民亦有留言祝賀壽星仔，戥伶俐開心嫁咗個好老公，好幸福咁話。

林肯IQ超過130，是名副其實的尖子，當日以DSE嘅5*成績考入香港大學修讀工商管理學學士 (IBGM)，今年畢業戴四方帽，投身社會，伶俐豈非可以一嚐阿仔畀家用佢使嘅滋味？細仔Marengo今年先係小一生咋！

（↓點擊放大 睇圖片↓）

撰文：衛紫敏

何遠東多得疫情搣甩50磅過牛年 爸爸做大廚 晚晚歎酒樓菜式長大 【下一頁】

=====================

晴報MeWe 登場！https://mewe.com/p/skypost

健康男女MeWe 登場！ https://mewe.com/p/healthylifeexpress